Svart­bauna­borgari með sól­kjarna­majó

Halldór Steinsson er matreiðslumaður á Náttúrulækningastofnuninni í Hveragerði. Maturinn sem borin er þar á borð er sannkallað lostæti sem fer vel í líkama og sál. Ég hef lengi haldið því fram að þarna sé einn besti salatbar landsins og án efa besti morgungrautur heims. Ég hvet þá sem eiga leið um Hveragerði til að koma við og fá sér að borða en matstofan er opin gestum. Hádegismaturinn er stærsta máltíð dagsins og ég get lofað ykkur að það er vel ferðarinnar virði. Hér deilir Halldór með okkur uppskrift af hinum sívinsælu Svartbaunaborgurum staðarins með sólkjarnamajó.

Svartbauna- og kínóaborgarar
6-8 borgarar
Skrifa umsögn
Prenta
Innihaldsefni
  1. 400 gr soðnar svartar baunir
  2. 200 gr soðið kínóa
  3. 80 gr (ca 6-8 stk) sólþurrkaðir tómatar úr krukku, smátt skornir
  4. 1 meðalstór laukur, smátt skorinn
  5. 2 hvítlauksrif, marin
  6. 1 stór sellerístöngull, smátt skorinn
  7. 1 lúka saxað ferskt kóríander
  8. ½ tsk svartur pipar
  9. ½ tsk reykt paprikuduft
  10. ½ tsk timjan
  11. ½ tsk salt
Leiðbeiningar
  1. Laukurinn er svitaður á pönnu ásamt selleríinu, tómötunum, hvítlauk og þurrkryddunum.
  2. Því næst er allt sett í skál og hnoðað.
  3. Borgarar mótaðir og lagðir á smurða ofnplötu og eldaðir á 180 gráðum í 25 mín, þá er þeim snúið við og bakaðir áfram í 10 mín.
Athugasemdir
  1. Með borgurunum er gott að nota avacado, tómata, maís og ferskt kóríander. Eins má baka sætar kartöflur í bátum í ofni og nota sem "franskar" með.
EatRVK http://eatrvk.kvennabladid.is/
Sólkjarnamajó
Dásamlegt majó með t.d. svartbaunaborgara eða sætkartöflu frönskum .
Skrifa umsögn
Prenta
Innihaldsefni
  1. 200 gr sólblómafræ
  2. 400 ml vatn
  3. 2 hvítlauksrif
  4. safi úr ½ sítrónu
  5. 1 tsk eplaedik
  6. ½ tsk reykt paprikuduft
  7. ½ tsk salt
  8. kjarnar úr ½ granatepli
Leiðbeiningar
  1. Leggið sólblómafræin í bleyti í minnst 2 tíma, sigtið svo vatnið frá.
  2. Setjið þau í öflugan Blender ásamt 400 ml af vatni og öllu hinu. Unnið þangað til silkimjúkt og fínt. Sett í krukku og toppað með granateplakjörnum.
EatRVK http://eatrvk.kvennabladid.is/
 halldórHalldór er reglulega með matreiðslunámskeið á Heilsustofuninni í Hveragerði. 10. janúar verður boðið upp á vikulangt námskeið sem kennir fólki að elda og borða hollan mat, hreyfa sig, sofa betur og minnka streitu. Á námskeiðinu verður m.a. farið í þrek- og vatnsleikfimi, jóga og göngur, skipulagðar hjólaferðir, ferð í Laugarvatn Fontana, matreiðslunámskeið og markmiðasetningu. Sjá nánar hér.

 

Skildu eftir svar

Netfang þitt verður ekki birt. Nauðsynlegir reitir eru merktir *