Súkkulaði­námskeið með Brad Pitt

12122541_10153656343902485_9042895658404246325_n

Lakkrísunaðurinn er óreglulegur í laginu en reglulega góður

Ég skellti mér á frábært konfektnámskeið um daginn hjá Nóa Siríus. Þar sýndu og kenndu Axel Þorsteinsson (e.þ.s. hinn íslenski Brad Pitt) og Ingibjörg Helga Ingólfsdóttir, konditorar hvernig gera á konfekt á einfaldan hátt. Þetta var vel skipulagt námskeið þar sem kenndir voru helstu þættir konfektgerðar, svo sem að tempra mismunandi súkkulaði, hvernig maður fyllir mola, fær fallegan glans á konfektið og margt fleira. Eftir fræðsluna fékk maður að gera mola sjálfur, fylla og auðvitað að smakka sem er alltaf skemmtilegast.

Eftir konfektgerðina voru fallegu molarnir settir í box og fékk hver þáttakandi um 25-30 mola með sér heim. Þegar heim var komið fór ég beint á netið að leita að hvar ég gæti fengið falleg harðplasta konfektmót, því þau gefa þennan fallega glans á konfektmolana eins og Nói Siríus eru frægir fyrir. Það er einnig mun auðveldara að gera fyllta mola eftir að hafa farið á námskeiðið en þar lærði ég að fylla með sprautupoka. Mæli með að þið kíkjið á þetta námskeið en upplýsingar má finna á Facebooksíðu Nóa Síríus. Ef þið komist ekki þá er um að gera að fara á Apótekið og smakka dásemdirnar sem hann Axel er að búa til þar. Ég fékk leyfi til að deila með ykkur uppskrift af uppáhaldsmolanum mínum – og ekki spillir fyrir hve auðveldur hann er! 

Lakkrís- og hnetusúkkulaðimoli
Skrifa umsögn
Prenta
Innihaldsefni
  1. 150 gr Siríus rjóma- eða suðusúkkulaði
  2. 150 gr lakkrískurl
  3. 35 gr kasjúhnetur, ristaðar og saxaðar gróft
  4. 35 gr pistasíur, saxaðar gróft
Leiðbeiningar
  1. Bræðið súkkulaðið yfir vatnsbaði og blandið svo hnetum og kurli vel saman við.
  2. Setjið blönduna á smjörpappír með teskeið.
  3. Þú ræður auðvitað stærðinni á molunum en mín reynsla var að best væri að hafa þá eins og tíkall að stærð, úlfarnir mínir voru þá aðeins lengur að klára þá.
  4. Setjið molana í kæli í um einn tíma, ef hægt er að bíða svo lengi.
EatRVK http://eatrvk.kvennabladid.is/
12357958_10153345235717794_1924588548_n

Sjáið hvað þeir glansa!

 

 

 

 

Skildu eftir svar

Netfang þitt verður ekki birt. Nauðsynlegir reitir eru merktir *